RSS

Monthly Archives: માર્ચ 2012

: છોડો હવે બા :

કામ ને કામ સઘળું છોડો હવે બા.
આ રહી ગ્યું,તે રહ્યું,મૂકો હવે બા.
ઢોર ઢાંખરના ઢસરડા બહુ ઢસરડ્યાં,
છાણ, વાસીદાં બધું છોડો હવે બા.
ચરણ ચાલ્યા સાથ છોડી,આપનોય,
ઢાંકણી પગમાં નખવી,દોડો હવે બા.
કામ પાછળ જાત આખી ધોઇ નાખી,
કામ છોડી જાતરે જાઓ હવે બા.
‘શ્યામ’ વિનવે પ્રેમભાવે હાથ જોડી,
નામ લૈ શ્યામતણુ પ્રભુ ભજો હવે બા.
-‘શ્યામ’ વલભીપુરી  (તા.૧૯.૦૩.૨૦૧૨,સોમવાર)

Advertisements
 

ટૅગ્સ:

: પિતાનુ અવસાન :

તાન્કા{૫-૭-૫-૭-૭=૩૧]
(૧)
બાળપણ વીત્યું,
પિતાના ખભા પર;
થયા વિદાય
એ પિતા;પૂત્રે લીધાં
કંધે, અશ્રુભીના નેણે.
********
(૨)
દીધો’તો સાથ,
લઇ હાથમાં હાથ,
એ જ હસ્ત,
ચાલ્યો અગ્નિદાહ દેવા,
ભુલી કૈં ઉપકાર.
મિત્ર કેતનભાઇના પિતાને શ્રધ્ધાંજ્લિ….
તા.૧૫.૦૩.૨૦૧૨

 

ટૅગ્સ: