RSS

માતને ;-

25 સપ્ટેમ્બર

લાખ લાખ નમન હો, જન્મ દેનારી જનની તુજને.
ઉદરમાં રાખ્યો નવ માસ, અઢળક દુ;ખ વેઠીને.
હાલરડું એવું એ ગાતી,
જે આંખમાં નિંદ થઇ જાય;
પારણે પોઢતો નાનો દેહ,
માની મમતાથી હરખાય.
સ્નેહ એનો આભ સરીખો, વરસે વાદળ થઇને,
લાખ લાખ નમન હો, જન્મ દેનારી જનની તુજને.
લઇ ખોળામાં,ખોળાના ખૂંદનારને,
વહાલની વર્ષા વરસાવતી;
આંખોમાં એની અમિદ્રષ્ટી
અમીવર્ષા અમપર એ વેરતી.
બાધા,આખડી,વ્રત રાખે, નજર બાંધી સંતાનને;
લાખ લાખ નમન હો, જન્મ દેનારી જનની તુજને.
ઝરણા સરીખું વહાલ વહાવે,
જે સતત વહેતું રહે;
સંસ્કાર કેરી સરિતા થકી,
ખોળો એ વહાલનો ભરે.
વહાલ વાદળના વરસાવે, લાડકોડથી ઉછેરીને;
લાખ લાખ નમન હો, જન્મ દેનારી જનની તુજને.
સ્વભાવ એનો ધરતી જેવો
કરે ના કોઇનું અપમાન;
ચહેરો જાણે સુરજમુખી
હરખાતી આપે સૌને માન.
પહાડ સરીખા દુ;ખ સહીને, સુખ આપે સંતાનને;
લાખ લાખ નમન હો, જન્મ દેનારી જનની તુજને.
જીવન એનું ‘કંચન’ કેરું,
શીખ આપે અપાર;
જડે નહિ જોડ જગમાં,
ભલે ભટકી વળો સંસાર.
‘શ્યામ’કરે ભાવથી વંદન,એવી ભાવસભર માતને;
લાખ લાખ નમન હો, જન્મ દેનારી જનની તુજને.
*ઘનશ્યામ વઘાસીયા
૨૪.૦૯.૨૦૧૦,શુક્રવાર,૧૦.૦૦ રાત્રિ.
એ/૯૦૧,સન રેસીડન્સી,રામ પેટ્રોલ પંપ પાછળ,
આનંદ મહલ રોડ,અડાજણ,સુરત-૩૯૫૦૦૯,
મો. ૯૮૨૫૧ ૧૨૮૯૫

Advertisements
 

ટૅગ્સ:

One response to “માતને ;-

  1. મુર્તઝા પટેલ- નેટ પર વેપાર!

    14/02/2011 at 10:52 એ એમ (am)

    મા માટે…એક શબ્દ…કે શબ્દકોશ…લખ્યા કરો તોયે…કમ છે.

    જે છે એ સઘળું એ’માં’ જ છે.

     

પ્રતિસાદ આપો

Please log in using one of these methods to post your comment:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

 
%d bloggers like this: