RSS

નાની ઘટનાઓથી બદલાતું જીવન-બકુલ બક્ષી

01 સપ્ટેમ્બર

નાની ઘટનાઓથી બદલાતું જીવન
આપણે જેને નાની વાતો કે સામાન્ય ઘટનાઓ ગણતા હોઇએ છીએ તે ક્યારેક જીવનમાં મોટો બદલાવ લાવી દેતી હોય છે. આ વિષય છે સુઝાના બેથ સ્ટીનેટના પુસ્તક ‘લિટલ શિફ્ટ્સ’નો. કેન્સરની સારવારના બે વર્ષ દરમિયાન ચિંતન કરી લેખિકાએ નોંધેલા વિચારો આ પુસ્તકનો પાયો છે. અમુક વિચારો જોઇએ.

જીવનમાં સામાન્ય લાગતી નાની વાતોથી ઘણીવાર મોટો બદલાવ આવી શકે છે. જેમ કે એક સામાન્ય સ્મિત ભાષા કરતા ઘણું વધારે કહી જાય છે. રોિજદા રુટિનને થોડું બદલો. દરરોજ ઓફિસ જતાં ક્યારેક નવો રસ્તો પકડો તો પણ મન તાજગી અનુભવે છે. બાળકોની રમતો કલ્પનાશક્તિ પર આધારિત છે જેને મોટાઓ ભૂલી ચૂક્યા છે. આપણે પણ જે ભવિષ્યની ઇચ્છા રાખીએ છીએ તેની કલ્પના કરતા રહીએ તો આંતરિક શક્તિને વેગ મળે છે.

વાસ્તવિકતાના ભાર નીચે સ્વપ્નો જોવાની શક્તિ ગુમાવી બેઠા છીએ જેનાથી તનાવ વધે છે. ચિંતા આપણો સ્વભાવ બની ગયો. જીવનના ઘોંઘાટમાં આપણો પોતાનો અવાજ નથી સંભળાતો. નીરવ શાંતિ- જે ધ્યાન, યોગ કે પ્રાર્થનામાં મળે છે, તે નિયમિત મેળવતા રહો તો જીવનની ગતિ બદલાઇ જશે.

આજની મૈત્રી પણ ઓન-લાઇન થઇ ગઇ છે જેમાં પ્રત્યક્ષ માનવીય સંબંધની હૂંફ નથી. આપણે માગવામાં સંકોચ કરીએ છીએ. જેની જરૂરત છે તે માગી જુઓ અને ધાર્યું ન હોય તેવી દિશામાંથી મદદ મળી રહેશે. સંબંધો જાળવી રાખશો તો જીવનના પ્રશ્નો ઉકેલવામાં સરળતા રહેશે. કસરત, વાંચન કે બીજા કોઇ શોખ દ્વારા મળતી નિયમિતતા એક માનસિક ટોનિકનું કામ કરે છે. ડાયરીમાં પોતાના વિચારો લખશો તો પણ રાહતનો અનુભવ થશે. આજના વ્યસ્ત જીવનમાં પરિવારના સદસ્યો પણ પોતાના કામમાં ખોવાઇ ગયા છે. લેખિકા એક નાનો પ્રયોગ સૂચવે છે- એક સાંજે ટીવી અને લાઇટો બંધ કરી કેન્ડલ લાઇટમાં પરિવારની નિકટતા અનુભવો. આ નાની ઘટના છે પણ એની અસર ઊંડી છે.

ક્યારેક પ્રકૃતિની નિકટતા અનુભવશો તો મન પ્રફુલ્લિત થઇ જશે. જુના ગમતા ફોટાઓનું એક ‘જોય આલ્બમ’ બનાવી ક્યારેક જોશો તો સુખદ અનુભવ થશે. સફાઇ માટે દિવસ નક્કી રાખો અને બિનજરૂરી ખરીદી પર કાપ મૂકો. નવી વસ્તુ ત્યારે જ ખરીદો જ્યારે એની જાળવણીની જવાબદારી સ્વીકારી શકો. ઘોંઘાટ અને ભેગી કરેલી નકામી વસ્તુઓ જીવનમાં અરાજકતા લાવે છે. કલ્પનાની ઊર્જા શક્તિ સમજીને લીધેલા નાના પગલાંમાં વિરાટ પગલાનો અંશ રહેલો છે જે જીવનની ગતિને બદલી શકે છે.

બકુલ બક્ષી, નવી નજરે

Advertisements
 

ટૅગ્સ:

પ્રતિસાદ આપો

Please log in using one of these methods to post your comment:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

 
%d bloggers like this: