RSS

જપ એ જ તપ -સુરેશ દલાલ

03 જુલાઈ

જપ એ જ તપ -સુરેશ દલાલ
ભક્ત અને સાધકની વાણીમાં મંત્રની કક્ષાનું તેજ હોય છે. માણસ પાસે જીવનનો નક્કર કોરો કાગળ છે, પણ માણસ એમાં એક પછી એક હાંસિયા દોરતો જાય છે અને આ હાંસિયાઓ જ એની હાંસી ઉડાવે છે.
આ રહ્યું તારું પુણ્ય, આ રહ્યું તારું પાપ
બંને લઈ લે અને મને કેવળ
તારા તરફનો વિશુદ્ધ પ્રેમ આપ
આ રહ્યું તારું જ્ઞાન, આ રહ્યું તારું અજ્ઞાન
બંને લઈ લે અને મને કેવળ
તારા તરફનો વિશુદ્ધ પ્રેમ આપ
આ રહી તારી પવિત્રતા અને આ રહી તારી અપવિત્રતા
બંને લઈ લે અને મને કેવળ
તારા તરફનો વિશુદ્ધ પ્રેમ આપ
આ રહ્યો તારો ધર્મ અને આ રહ્યો તારો અધર્મ
બંને લઈ લે, મા!
અને મને કેવળ તારા તરફનો વિશુદ્ધ પ્રેમ આપ
– રામકૃષ્ણ પરમહંસ, કુંદનિકા કાપડિયા
જગદંબાના ભક્ત રામકૃષ્ણ પરમહંસની આ વાણી છે. ભક્ત અને સાધકની વાણીમાં મંત્રની કક્ષાનું તેજ હોય છે. માણસ પાસે જીવનનો નક્કર કોરો કાગળ છે, પણ માણસ એમાં એક પછી એક હાંસિયા દોરતો જાય છે અને આ હાંસિયાઓ જ એની હાંસી ઉડાવે છે.
આપણી પાસે કેટલા હાંસિયાઓ છે! પુણ્ય-પાપ, જ્ઞાન-અજ્ઞાન, પવિત્રતા-અપવિત્રતા, ધર્મ-અધર્મ… આપણે સામસામા વિરોધોથી જીવનારા. આ બધા જ વિરોધો જો માતાની પણ જે માતા છે-જે જગતમાતા છે એને સોંપી દઈએ તો! સંતની વાણી એ સરોવરના જળ જેવી પારદર્શક હોય છે. અંદર કોઈ કુટિલતા ન હોય તો વાણીમાં નરી અને નકરી સરળતા કમળની જેમ આપમેળે ઊઘડતી આવે.
હું તો આ વાણીને કાવ્ય સમજીને જ આગળ વધું છું. આમાં કોઈ અલંકાર નથી, એ જ મોટામાં મોટો અલંકાર છે. આમાં સીધી વાત છે. આ વાત ઈશ્વર સાથેની છે. પ્રાર્થના છે. પરમહંસ કહે છે કે આ પુણ્ય અને પાપનાં ખાનાં ભલે અમે પાડયાં, પણ આ બધું તારું જ છે અને હું તને બધું સોંપી દેવા માગું છું.
જોકે સોંપી દેવાની પણ અમારી તાકાત કેટલી? એટલે જ કહે છે કે આ બધું તું જ લઈ લે અને મને કેવળ આપ તારા તરફનો વિશુદ્ધ પ્રેમ. આપણને તરત થાય કે જો પ્રેમ હોય તો એ અશુદ્ધ કઈ રીતે હોઈ શકે! પણ આપણે જેને પ્રેમનું મોટું નામ આપીએ છીએ એની પાછળ પણ આપણી અનેક વૃત્તિઓ, પ્રવૃત્તિઓ વિવિધ રીતે, વિચિત્ર રીતે, ખુદ આપણા મનને પણ ન સમજાય એ રીતે સંકળાયેલી હોય છે.
આપણો પ્રેમ શોધે છે સુખ અને સગવડ. આપણા પ્રેમમાં ઈચ્છાઓના પડછાયા હોય છે. એ પડછાયાઓ એ આપણી વાસનાઓનાં જ કાબરચીતરાં ચિતરામણો છે. આપણી પ્રાર્થના ભાગ્યે જ સાચી પ્રાર્થના હોય છે.
મોટે ભાગે એ દુન્યવી સુખી માટેની યાચના છે. પ્રાર્થના એટલે ઈશ્વર સાથેનું નર્યું સાંનિઘ્ય. ઈશ્વરનું સ્મરણ એટલે ભીતર થતો જપ. અને જપ એ જ તપ. બહાર પ્રવૃત્તિ ચાલતી હોય પણ ભીતરની વૃત્તિ પેલા પરમ સાથે જોડાયેલી રહે એ જ પ્રાર્થના.

Advertisements
 

ટૅગ્સ:

પ્રતિસાદ આપો

Please log in using one of these methods to post your comment:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

 
%d bloggers like this: